Iceland Express ætlar að hefja áætlunarflug til Winnipeg í Kanada næsta sumar. Flogið verður einu sinni til tvisvar í viku, á miðvikudögum og laugardögum, frá og með júníbyrjun. Þar með fjölgar áfangastöðum félagsins í 27 og hafa þeir aldrei verið fleiri, samkvæmt tilkynningu.
Winnipeg er höfuðborg og jafnframt stærsta borg Manitoba í Kanada. Hátt í 1.300 þúsund manns búa í Manitoba.