Gdansk í Póllandi er einstök hafnarborg sem iðar af lífi, menningu og sögu. Gdansk er við ána Motlawa og er ein af elstu borgum Póllands.
Á morgun verður farið í sérstaka ferð til Gdansk með Unni Pálmarsdóttur mannauðsráðgjafa og hóptímakennara sem er fararstjóri í þessari ferð.
„Í dag er hún þekkt sem mikil menningarborg en þar eru haldnar fjölmargar menningarhátíðir. Gdansk er fjórða stærsta borg landsins með um 480 þúsund íbúa. Ég þekki borgina mjög vel því maðurinn minn var að vinna þar við skipasmíði svo að við heimsóttum borgina oft. Í þessari ferð munum við skoða söfnin og menninguna og svo verður örugglega eitthvað verslað. Þetta er tilvalin ferð fyrir alla, vinkonur, mæðgur, hjón, feðga til að skjótast í skemmtilega helgarferð og fá smá lúxus fyrir jólin. Gdansk er fyrir alla sem hafa áhuga á fallegum borgum og skemmtilegum verslunum,“ segir Unnur.
Ferðin er á vegum Úrvals-Útsýnar og er flogið er beint með Icelandair kl. 08.30 og lent í Gdansk kl. 13.00. Flogið er heim 3. nóvember kl. 22.55 og lent í Keflavík kl. 01.35 þann 4. nóvember.
Ferðavefurinn og Smartland Mörtu Maríu ætla að gefa einum heppnum lesenda flugferð til Gdansk á morgun. Það sem þú þarft að gera er að fylgja Smartlandi Mörtu Maríu á Instagram. Dregið verður út kl. 18.00 í dag.
View this post on InstagramA post shared by Smartland (@smartlandmortumariu) on Oct 30, 2019 at 3:45am PDT