Fljótandi lúxushótelið Arctic Bath opnaði í Svíþjóð í janúar. Hönnun hótelsins er einstök en það er staðsett í Harads sem er í um klukkustundar og kortérs akstursfjarlægð frá Luleå-flugvellinum.
Hönnun hótelsins var kynnt árið 2018 og vakti mikla athygli. Peter Engström, framkvæmdarstjóri hótelsins, segir í viðtali við CNN Travel að það hafi ekki verið auðvelt að gera hönnunina að veruleika en að það hafi tekist á endanum.
Heilsa er í fyrirrúmi á hótelinu og er matseðilinn með heilsusamlegu ívafi. Einnig er mikil áhersla lögð á köld böð í kynningarefni hótelsins. Meðal þeirrar afþreyingar sem boðið er upp á er jóga, hugleiðsla og núvitund. Bæði er boðið upp á herbergi á föstu landi og á ánni.
Engström segir að aðalaðdráttarafl hótelsins séu einmitt köld böð þótt tilhugsunin megi virðast framandi fyrir marga.
„Um helmingur af gestum okkar segir að þeir myndu aldrei fara í kalt bað en alla vega 90 prósent enda svo á að prófa ísbað og oftar en ekki finnst þeim það mögnuð upplifun,“ segir Engström.
View this post on InstagramA post shared by ArcticBath (@arcticbath_sweden) on Nov 8, 2019 at 10:59pm PST
View this post on InstagramA post shared by ArcticBath (@arcticbath_sweden) on Jan 4, 2020 at 10:16pm PST