Fóru í ferðalag í stað hjónaráðgjafar

Það var ást við fyrstu sýn þegar kvikmyndagerðamaðurinn Tim Noonan hitti Peta-Jane „PJ“ Madam í fyrsta skiptið. Þau trúlofuðu sig fljótt þar á eftir áður en Noonan lagði af stað í tveggja ára ferðalag sem tökumaður.

Ástralska parið, sem nú er hægt að fylgjast með á Netflix í þáttunum Extreme Engagement, lýsir því vel hvernig er að ferðast saman sem par sem ekki er vant því að vera mikið saman í daglega lífinu. 

Þau ákváðu að fara á framandi slóðir og kynnast því hvernig fólk ræktar ástina sín á milli fjarri heimaslóðum þeirra og hafa ekki séð eftir því. 

Þetta gerðu þau í staðinn fyrir að fara í hefðbundna ráðgjöf. Parið er enn þá saman og hefur eignast barn. Þótt enn þá sé frekar óljóst hvort þau hafa gift sig eða ekki. 

Mælt er með þáttunum fyrir alla þá sem vilja styrkja sambandið á óhefðbundinn hátt. Fólk sem elskar ferðalög virðist sérstaklega hrifið af efninu. 

• Blogga um frétt