Í Zhangjiajie-garðinum í Kína er að finna eina skelfilegustu lyftu í heimi. Lyftan sú er ekki fyrir þá lofthræddu en hún er utandyra og hífir farþega upp um rúmlega 300 metra á aðeins 88 sekúndum.  

Lyftan stoppar efst á háum kletti þaðan sem útsýnið er einstaklega fallegt. Umhverfið í Zhangjiajie-garðinum var innblástur fyrir kvikmyndina Avatar eftir James Cameron. 

Þeir sem ekki þora í lyftuna geta gengið upp á klettinn en gangan tekur um þrjá tíma og er nokkuð erfið. Um átta þúsund ferðamenn fara í lyftuna daglega um þessar mundir en ferðamennska í Kína er á uppleið eftir kórónuveiruna. Í venjulegu árferði fara um 14 þúsund manns í lyftuna daglega.

Tengdar fréttir

Furðulegt á ferðalögum

Dularfull TikTok-stjarna birtir myndbönd frá Íslandi

• 102 ára fallhlífastökkvari deilir leyndarmálinu að langlífi
• Mælti með 16,5 milljón króna ferð til Reykjavíkur í feðradagsgjöf
• Upplifði menningarsjokk á Íslandi
• Snjókoma í júní vekur heimsathygli á TikTok

» Fleiri tengdar fréttir

• Blogga um frétt