Bandaríkjamenn eru áhugasamir um að ferðast til Íslands eftir að heimsfaraldrinum lýkur. Í nýrri könnun frá KOALA er Ísland í 10. sæti á lista yfir þau lönd sem Bandaríkjamenn leituðu oftast að á Google með tilliti til ferðalaga á síðustu sex mánuðum.
Í fyrsta sæti er Púertó Ríkó en yfir 580 þúsund Bandaríkjamenn leituðu að landinu á síðustu sex mánuðum. Í öðru sæti er Mexíkó, því næst Maldíveyjar og í fjórða sæti Japan. Í því fimmta var Jamaíka.
189 þúsund Bandaríkjamenn leituðu að Íslandi á síðustu sex mánuðum. Ísland stingur í stúf á listanum en þar er helst að finna eyjur á sólríkum hlýjum stöðum.