Þættirnir Bridgerton á Netflix eru afar vinsælir um þessar mundir en ferðamenn sem fara til Lundúna geta heimsótt aðalhús þáttanna, heimili Bridgerton-fjölskyldunnar. Húsið sjálft nefnist Ranger's House og er sögufrægt hús við Greenwich-garðinn í Lundúnum.
Húsið hýsir nú Wernher-safnið en um er að ræða verðmætt listasafn sir Julius Wernhers sem fæddist á miðri 19. öld. Safn Wernhers þykir eitt merkilegasta einkasafn í Evrópu. Húsið sjálft var byggt árið 1722.
Aðeins er þó notast við húsið að utanverðu. Að innanverðu var ákveðið að nota húsið RAF Halton sem hýsir skrifstofur flughers Bretlands í Buckinghamskíri á Englandi.