Leikarahjónin Kelly Ripa og Mark Consuelos nutu sín á dögunum í fyrsta barnlausa fríinu í 25 ár. Í lok síðasta sumars tilkynntu hjónin að þau væru aftur orðin ein í kotinu eftir að yngsti sonur þeirra hóf nám við Háskólann í Michigan.

Frétt af mbl.is

Allir ungarnir flognir úr hreiðrinu

Hjónin hafa verið saman í 26 ár, en þau giftu sig árið 1996 og eiga þrjú börn saman, þau Michael, Lola og Joaquin. Michael er elstur, en hann er 25 ára gamall. Í miðjunni er Lola sem er 21 árs og yngstur er Joaquin sem er 19 ára. 

Í fríinu fóru Ripa og Consuelos meðal annars í klettaklifur í Utah, Bandaríkjunum sem hún kallaði „parameðferð“ á Instagram reikningi sínum. 

Ferðinni var síðan heitið í glæsilega villu sem stjörnurnar hafa mikið dálæti af, en snyrtivörumógúllinn Kylie Jenner var nýlega í villunni. 

„Í ljós kom að við skemmtum okkur konunglega. Það var einhver vinna sem fylgdi þessari ferð en það var ekki það sem við vorum að gera. Við fórum í klettaklifur og gistum svo í Amangiri villunni í Utah. Það er lúxus. Þetta er ferð sem maður fer í án barnanna,“ sagði Ripa í samtali við People. 

Tengdar fréttir

Frægir ferðast

Berglind Festival týndi töskunni í Tékklandi

• Ofurfyrirsæta sjóðheit í íslenskri hönnun í Frakklandi
• Ryan og Tanja Ýr fögnuðu ástinni við Cómó-vatn
• Rúrik í tökum með BMW á Coachella-tónlistarhátíðinni
• Tara Sif fagnaði afmælinu á Tenerife

» Fleiri tengdar fréttir

• Blogga um frétt