Nokkrir starfsmenn Swissport á flugvellinum í Melbourne í Ástralíu voru sendir í leyfi um helgina eftir að myndband af þeim að henda töskum á færiband fór á flug á Tiktok. Í myndbandinu sjást þeir kasta hverri töskunni á fætur annarri á færibandið án þess að bera nokkra virðingu fyrir því sem gæti verið í töskunum. 

Á bak við mennina má sjá merki flugfélagsins Qantas, en Swissport er undirverktaki félagsins á flugvellinum í Melbourne. Talsmaður Qantas sagði í viðtali við Guardian að hegðun mannanna sem sást í myndbandinu væri ekki í lagi. 

„Swissport þjálfar og sér til þess að allt starfsfólk afgreiði farangur viðskiptavina af kostgæfni og varkárni. Vinnubrögð þeirra sem sjást í myndbandinu eru ekki eftir þeim stöðlum sem við viljum halda,“ sagði talsmaður Swissport í tilkynningu. 

Swissport rannsakar nú málið og hafa umræddir starfsmenn verið settir í leyfi á meðan rannsókn stendur yfir.

Tengdar fréttir

Furðulegt á ferðalögum

Þakklát fyrir að vera á lífi eftir árás skógarbjarnar

• 12 hlutir sem þú ættir aldrei að gera í flugi
• Versta matarupplifunin var í fegurðarsamkeppni í Mexíkó
• Benjamin varð vitni að einstöku fyrirbæri á Svalbarða
• Bjó á flugvelli í Bologna í níu mánuði

» Fleiri tengdar fréttir

• Blogga um frétt