Stundum býður gistináttarisinn Airbnb upp á fágæt tækifæri fyrir fólk að gista á sérstökum stöðum en stutt er síðan fólki var boðið að bóka gistingu í eina nótt í Home Alone-húsinu margrómaða.
Í tilefni af alþjóðlega bókadeginum gaf Airbnb fólki kost á að bóka eina nótt í bókasafni sem falið er í dómkirkju St. Pauls í Lundúnum fyrir aðeins sjö pund.
„Hið falda bókasafn St. Pauls-kirkju er algjört himnaríki fyrir bókaunnendur,“ segir Amanda Cupples, framkvæmdastjóri Airbnb í norður Evrópu.
„Hvort sem þú ert bókaormur eða áhugamaður um sagnfræði eða vilt hreinlega bara upplifa eitthvað öðruvísi í Lundúnum. Við erum svo ánægð með að geta látið draumana rætast í einni rómuðustu byggingu heims.“