Laugavegurinn, gönguleiðin ekki gatan, er á lista Fodor's yfir bestu fjallagönguleiðir í Evrópu. Landslagi Íslands er hrósað í hástert á vef Fodor's og Íslandi lýst sem ævintýraeyju. Fodor's er einn stærsti ferðabókaútgefandi í heimi.
Á lista Fodor's eru líka fleiri fjallagönguleiðir víða um Evrópu sem ekkert göngufólk ætti að láta fram hjá sér fara.
West Highland Way, í skosku hálöndunum
Alta Via 1, í Dolomites-fjallgarðinum á Norðaustur-Ítalíu
Tour du Mont Blanc, gönguleið í kringum hæsta fjall Evrópu, Mont Blac, byrjar í Frakklandi og endar á Ítalíu en fer einnig í gegnum Sviss.
Kungsleden, í Svíþjóð
Bernese Oberland, fjöldi gönguleiða við fjallsrætur svissnesku alpanna
Slóvenska fjallaleiðin, gönguleið sem tengir saman flottustu fjallgarðana í Slóveníu, Pohorje-fjöllin, Julian-alpana, Kamnik-Savinja-alpana og Karavanke-fjöllin
Camino de Santiago, frægasta langa gönguleiðin á Spáni
GR 20, ein erfiðasta fjallganga í Evrópu. Liggur um brattan fjallgarð Korsíku
Knivskjellodden, stutt en áhugaverð gönguleið á nyrsta odda meginlands Evrópu, í Noregi.