Gerðu barnaherbergið notalegt fyrir veturinn
Setja bókamerki
Þroski og þarfir barna taka stöðugum breytingum og því ekki óalgengt að uppfæra þurfi barnaherbergið oftar en önnur rými á heimilinu. Það er tilvalið að nýta haustið í að gera barnaherbergið notalegt fyrir veturinn, en það þarf ekki að vera flókið að breyta stemningunni.
Úrval af fallegum munum í barnaherbergin hefur sjaldan verið betra en í dag og því ættu allir að geta fundið eitthvað sem heillar þá. Fjölskylduvefurinn tók saman nokkrar fallegar vörur sem gætu nýst vel í uppfærslunni.
Fyrir rúmið
Góður svefn er mikilvægur fyrir alla aldurshópa, en hann er þó sérstaklega mikilvægur fyrir börn sem eru að þroskast. Gerðu rúmið að notalegum stað sem ýtir undir góð svefngæði og vellíðan hjá barninu, til dæmis með fallegri himnasæng, skemmtilegum koddum eða töfrandi óróa.
Á vegginn
Fallegar myndir, snagar og vegglímmiðar geta skapað mikla hlýju í barnaherberginu og búið til töfrandi stemningu.
Á gólfið
Það getur verið vandasamt að velja muni inn í barnaherbergi sem bæði þjóna tilgangi og fegra rýmið. Því er mikilvægt að vanda valið, en stílhreinir stólar, skemlar og mottur klikka aldrei og nýtast vel.
Fallegt skipulag
Margir foreldrar kannast við hausverkinn sem fylgir dótahafinu í barnaherberginu sem virðist alltaf enda út um allt. Þá er vel við hæfi að fjárfesta í fallegum boxum og körfum fyrir dótið og fá börnin til að taka þátt í skipulaginu.
Notaleg lýsing
Lýsing getur skipt sköpum í hvaða rými sem er og þar eru barnaherbergin ekki undanskyld. Falleg ljós með mjúkri og hlýlegri birtu henta sérlega vel í barnaherbergin.
/frimg/1/29/32/1293273.jpg)
Ekki af baki dottinn og ætlar að opna B5 aftur
Rothissa á vinnubrögðum forystu BÍ
Nemendur í HÍ reistu tjaldbúðir án leyfis
Norskur lögreglumaður dæmdur
/frimg/1/48/74/1487454.jpg)
Heldur inn í nóttina tuttugu kílóum léttari
„Höfum ekki náð að skríða upp úr þeirri gryfju“