Þrátt fyrir kreppu seldu allar plötubúðir í miðbænum meira í október en á sama tíma í fyrra. Talsmenn búðanna segja helstu ástæður aukinnar sölu vera tvær: Að erlendir ferðamenn hafi nú fleiri krónur á milli handanna en áður vegna falls krónunnar og að íslensk plötuútgáfa sé í blóma. Söluhæstu plöturnar í öllum búðum eru nýútkomnar íslenskar plötur.
Verslunarstjóri Skífunnar spáir því að flestir kaupi íslenskar bækur og geisladiska í jólapakkana í ár.