Beckham-bræður gera grín að fína kryddinu

Af öllum furðulegum stellingum sem sjást á Instagram er þessi sem fatahönnuðurinn og fína kryddið Victoria Beckham sést í ein sú undarlegasta. Synir hennar gátu að minnsta kosti ekki tekið móður sína alvarlega. 

Þeir Cruz og Romeo Beckham, synir Victoriu og Davids Beckham, tóku sig til og gerðu grín að móður sinni með því að birta myndir af sér í sömu stellingu. 

Eitthvað virðist Victoria þó vera duglegri að liðka sig en það lítur ekki út fyrir að hafa verið mikið mál fyrir hana að teygja annan fótinn upp í loft á tignarlegan hátt. Strákarnir aftur á móti eru eitthvað stirðari og hafa orð á því. 

Það var raunveruleikastjarnan Kourtney Kardashian sem byrjaði á þessari stellingu. Rétt eins og Victoria virðist Kardashian vera dugleg að liðka sig. 

• Blogga um frétt