Dolores O'Riordan, söngkona írsku rokksveitarinnar The Cranberries, lést í dag, 46 ára að aldri. Frá þessu greinir talskona hennar í tilkynningu til fjölmiðla. O'Riordan var í London ásamt öðrum meðlimum sveitarinnar við upptökur.
Cranberries skaut upp á stjörnuhimininn árið 1993 með plötunni Everybody Else Is Doing It, So Why Can't We? en sveitin hefur selt yfir 40 milljónir platna.
Dánarorsök O'Riordan hefur ekki verið gefin upp, en hljómsveitin varð að aflýsa fjölda tónleika á Evróputúr sínum í maí síðastliðnum vegna slæmrar heilsu söngkonunnar. Hún greindi síðan frá því á facebooksíðu sveitarinnar í síðasta mánuði að hún hefði náð heilsu og væri farin að koma fram á ný.
Fjöldi fólks hefur vottað fjölskyldu O'Riordan samúð sína, meðal annars meðlimir hljómsveitarinnar Duran Duran, sem segjast slegnir yfir tíðindunum.
We are crushed to hear the news about the passing of Dolores O’Riordan. Our thoughts go out to her family at this terrible time. https://t.co/6p20QD2Ii5 pic.twitter.com/vXscj0VGHS
— Duran Duran (@duranduran) January 15, 2018
Sömu sögu er að segja af spjallþáttastjórnandanum James Corden, sem rifjar upp fyrstu kynni sín af O'Riordan.
I once met Delores O’Riordan when I was 15. She was kind and lovely, I got her autograph on my train ticket and it made my day. She had the most amazing voice and presence. So sorry to hear that she’s passed away today x
— James Corden (@JKCorden) January 15, 2018