Viktoría krónprinsessa Svíþjóðar lagði átakinu „Upp och hoppa, Sverige“ lið sem hvetur ungt fólk til þess að lifa heilsusamlegu lífi. Tekið var myndband af prinsessunni hlaupa upp og niður stiga í höllinni til þess að vekja athygli á átakinu. 

Það er þó ekki hægt að segja að Viktoría hafi reimað á sig hlaupaskóna fyrir myndbandið og hefur skóbúnaður hennar vakið athygli. Prinsessan gerði sér lítið fyrir og hljóp upp stórar og miklar tröppur sænsku konungshallarinnar í pinnahælum. 

Viktoría og eiginmaður hennar eru þekkt fyrir að vera í góðu formi enda var Daníel áður einkaþjálfari prinsessunnar. 

Tengdar fréttir

Kóngafólk í fjölmiðlum

Karl á batavegi og snýr aftur til starfa

• Karl III sagður „mjög veikur“
• Ný stytta afhjúpuð af Elísabetu II. drottningu
• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar

» Fleiri tengdar fréttir

• Blogga um frétt