Leikkonan Renee Zellweger er þekkt fyrir að taka miklum breytingum fyrir kvikmyndir, fyrir Bridget Jones bætti hún til að mynda á sig nokkrum kílóum. Fyrir nýjasta hlutverk sitt er hún nánast óþekkjanleg.
Leikkonan leikur Judy Garland í nýrri mynd um leik- og söngkonuna sem er verið að taka upp í London þessa dagana. Skartar Zellweger svörtu stuttu hári fyrir hlutverkið.
Samkvæmt Daily Mail gerist myndin um 30 árum eftir að Garland lék Dórótheu í Galdrakarlinum í Oz. Segir myndin frá síðustu tónleikum Garland í London en Garland lést nokkrum mánuðum seinna eftir viðburðaríka ævi.