Leikarinn Channing Tatum og þáttastjórnandinn Jenna Dewan Tatum tilkynntu í gær um skilnað sinn. Þau hafa verið gift í tæp níu ár.
Parið birti sameiginlega yfirlýsingu um málið á Instagram. „Við urðum mjög ástfangin fyrir svo mörgum árum og hefur samleið okkar verið töfrum líkust. Nákvæmlega ekkert hefur breyst hvað varðar ást okkar hvors til annars en ástin er fallegt ævintýri sem hefur nú fært okkur hvort í sína áttina,“ sagði m.a. í yfirlýsingunni.
A post shared by Channing Tatum (@channingtatum) on Apr 2, 2018 at 6:13pm PDT
Þau segja að hvorki leyndarmál né lostafullt athæfi hafi orðið til þess að þau tóku þessa ákvörðun.
Parið kynntist við tökur myndarinnar Step Up árið 2006. Þau giftu sig árið 2009 og eiga eina dóttur.
Dewan Tatum er nú stjórnandi þáttar NBC, World Dance. Tatum vinnur að talsetningu teiknimyndar.