Gripið verði til aðgerða gegn R. Kelly
Setja bókamerki
Svartar konur innan hreyfingarinnar Time´s Up hafa hvatt tónlistariðnaðinn til að grípa til aðgerða gegn tónlistarmanninum R. Kelly.
Söngvarinn, sem er þekktur fyrir lagið I Believe I Can Fly, hefur í gegnum árin sakaður um að hafa misnotað stúlkur undir lögaldri og ungar konur.
Konurnar, með aðstoð herferðarinnar #MuteRKelly, hafa hvatt til þess að plötufyrirtæki söngvarans og streymisveiturnar Spotify og Apple Music, gefi hann upp á bátinn. Einnig hafa þær krafist þess að tónleikum hans í Norður-Karólínu 11. maí verði aflýst.
„Við krefjumst viðeigandi rannsóknar og viðeigandi fyrirspurna vegna ásakana um misnotkun R. Kelly frá svörtum konum og fjölskyldum þeirra í yfir tvo áratugi,“ sagði í yfirlýsingu hreyfingarinnar.
„Við lýsum því yfir af mikilli ákefð við alla þá sem vilja þagga niður í okkur að þeirra tími er liðinn.“
Nú þegar er búið að aflýsa tónleikum R. Kelly í háskólanum í Illinois í Chicago eftir að barist hafði verið fyrir því.
„Ég hef aldrei heyrt um það áður að tónleikum hafi verið aflýst vegna orðróms en einhvern tímann er alltaf fyrst,“ sagði Kelly.
Hann var sýknaður árið 2008 af ákæru um að hafa barnaklám í fórum sínum eftir fréttaflutning um myndband sem var sagt hafa sýnt hann í kynlífsathöfnum með stúlku sem var undir lögaldri.
Fyrr í þessum mánuði lagði kona fram kæru til lögreglunnar um að Kelly hafi viljandi smitað hana af kynsjúkdómi. Samband þeirra hófst þegar hún var 19 ára.
Á síðasta ári greindi BuzzFeed News frá því að Kelly hefði heilaþvegið sex konur, lokað þær inni á heimili sínu og neytt þær til kynmaka við sig.
Tveggja mánaða flandur um Nýja-Sjáland
Skaut sex sinnum að feðginum á aðfangadagskvöld
Breytingar á skipulagi fréttadeildar RÚV
Fjallabak, Sprengisandur og niður í Eyjafjörð
Mál hjúkrunarfræðingsins fer aftur fyrir héraðsdóm
Ók á ofsahraða á móti umferð og uppi á stétt
Þyngri refsing fyrir að nauðga stjúpdóttur æskuvinar
Laugavegur hjólaferðamannsins að fæðast