Ekkert gengur hjá Rússum
Setja bókamerki
Rússneska söngkonan Julia Samoylova var ein þeirra sem komst ekki áfram í úrslitin í Eurovision í gærkvöldi. Samoylova ætlaði upphaflega að taka þátt í fyrra en þá var Rússum meinuð þátttaka vegna deilna um Krímskaga.
Er þetta í fyrsta skipti í 20 ár sem Rússland er ekki á meðal keppenda á lokakvöldinu en lagið sem Samoylova flutti í gærkvöldi, „I Won´t Break“, hlaut ekki náð fyrir eyrum gagnrýnenda og almennings í Evrópu.
Julia, sem notar hjólastól, fæddist í Ukhta í Rússlandi árið 1989. Hún er söngvari og lagahöfundur. Hún hefur tekið þátt í ýmsum söngvakeppnum og komst árið 2013 í úrslit í X-Factor í heimalandinu. Hún flutti lagið Together við opnunarathöfn vetrarólympíuleikanna í Sochi árið 2014.
Henni var bannað að taka þátt í keppninni í fyrra vegna þess að hún hafði að sögn Úkraínumanna farið með ólöglegum hætti inn á Krímskaga. Skaginn tilheyrði áður Úkraínu en frá árinu 2014 hafa Rússar sagt hann tilheyra sér. Úkraínumenn heimila engum sem farið hefur til Krímskaga í gegnum Rússland að koma til landsins.
Bjarkey liggur undir feldi: Styttist í ákvörðun
Landsbankinn hækkar vexti
Lögreglan fer yfir myndefnið
„Vélin virðist hafa brætt úr sér og sprungið“
Fundu ekki fleiri hvítabirni
Kurr í röðum Pírata
„Sígilt frjálslyndið“ höfðaði til Antons
150 loftárásir á 300 skotmörk Hisbollah