Í mars tilkynnti ofurparið Gigi Hadid og Zayn Malik að þau væru hætt saman. Nú virðist hins vegar sem að þau séu byrjuð saman aftur. Eftir að hafa mætt á frumsýningu Ocean's 8 í New York í gær fór hún heim og knúsaði Malik.
Fyrirsætan birti myndir af sér og tónlistarmanninum á Instagram eftir frumsýninguna. Ekki sést vel í Malik en samkvæmt Daily Mail má vel greina auðkennandi húðflúr Malik á myndunum.
Hadid og Malik hættu saman á árinu eftir tveggja ára samband en þetta var þó ekki í fyrsta skipti sem þau hættu saman. Tíminn verður að segja til um hvort að sambandið endist í þetta skiptið.