Hafa áhyggjur af heilsu Johnny Depp

Aðdáendur leikarans Johnny Depp hafa áhyggjur af heilsu hans samkvæmt Hollywood Reporter. Leikarinn er á tónleikaferðalagi um Evrópu með hljómsveitinni Hollywood Vampires. Myndir af honum með aðdáendum í Sankti Pétursborg birtust í seinustu viku, en leikarinn virðist hafa misst nokkur kíló á síðustu mánuðum. Aðdáendur hans voru áhyggjufullir í kommentakerfum og telja hann líta veiklulega út og veltu heilsu hans fyrir sér. Heimildarmaður People segir að Depp sé við hestaheilsu og skemmti sér vel á tónleikaferðalagi. Hann vilji halda sér í formi, en álagið sé mikið út af tónleikunum.

• Blogga um frétt