Bandaríski rapparinn XXXTentacion var skotinn til bana í bíl sínum á mánudag. Jahseh Dwayne Onfroy, eins og rapparinn hét réttu nafni, átti von á barni þegar hann lést.
Móðir rapparans birti sónarmynd á Instagram og skrifaði að hann hefði gefið þeim eina lokagjöf. Heimildamaður People segir að kærasta XXXTentacion sé ólétt en ekki er ljóst hvort rapparinn hafi vitað af því að hann ætti von á barni þegar hann lést.
Í gær var maður handtekinn grunaður um að hafa skotið rapparann og í kjölfarið ákærður fyrir manndráp.