Gaf aðdáendum sínum 11 milljónir

Rapparinn Travis Scott er greinilega með hjarta úr gulli og vel stæða bankabók, en í gær lofaði hann að gefa aðdáendum sínum 100 þúsund bandaríkjadali, eða um 11 milljónir íslenskra króna. Það eina sem aðdáendur hans þurfa að gera er að tísta textabroti úr lagi hans Astro og láta númerið sitt á Cash fylgja með. Cash er smáforrit sambærilegt forritunum Kass og Aur sem íslendingar þekkja.  

Nokkrir aðdáendur hafa nú þegar fengið pening frá rapparanum og þakka honum kærlega fyrir. 

Travis Scott er kærasti og barnsfaðir milljarðamæringsins tilvonandi Kylie Jenner. Kylie varð 21 árs á dögunum og sparaði Scott ekki þegar hann valdi afmælisgjöf handa henni. Afmælisgjöfin var hvítur Rolls Royce-jeppi. Hann fyllti einnig garðinn fyrir utan hús hennar með rauðum rósum. 

• Blogga um frétt