Bandaríski leikarinn Alec Baldwin hefur verið handtekinn í New York-borg, sakaður um að hafa kýlt mann eftir rifrildi vegna bílastæðis.
Að sögn talsmanns lögreglunnar var leikarinn færður í gæsluvarðhald og á líklega yfir höfði sér ákæru fyrir líkamsárás, að því er BBC greindi frá.
Hinn sextugi Baldwin hefur áður komist í kast við lögin því árið 2014 var hann handtekinn fyrir að hafa hjólað gegn umferð. Þegar hann var stöðvaður varð hann æfur og blótaði lögreglumönnunum í sand og ösku.
Baldwin hefur leikið Donald Trump Bandaríkjaforseta í þáttunum Saturday Night Live við góðan orðstír. Forsetinn kvaðst óska honum velfarnaðar þegar hann varð spurður út í handtöku leikarans.
Actor Alec Baldwin was arrested for assault, according to New York police https://t.co/mqR4gpA0zL pic.twitter.com/9uQosKUP36
— CNN (@CNN) November 2, 2018