Svölu og Gauta langar að flytja í Hafnarfjörð

Tónlistarkonan Svala Björgvinsdóttir er enn að leita að leiguíbúð í Hafnarfirðinum en það kemur fram í viðtali við hana í Fjarðarpóstinum sem kom út í dag. Svala býr í Reykjavík ásamt nýja kærasta sínum en hún gekk í gegnum skilnað og flutti heim til Íslands frá Los Angeles í fyrra. 

Fram kemur að Svala og Gauti vilji flytja sig til Hafnarfjarðar með hundinn Sósu með sér. Svala á sterkar rætur þangað þrátt fyrir að hafa alist upp að hluta til á Seltjarnarnesi. Faðir hennar, Björgvin Halldórsson, er mikill Hafnfirðingur og vill Svala búa nær foreldrum sínum. 

Mbl.is greindi fyrst frá því að Svala væri að leita að leiguíbúð í Hafnarfirði í nóvember í fyrra. Svo virðist sem leitin hafi ekki skilað árangri og horfa þau Svala og Gauti enn hýrum augum til Hafnarfjarðar þar sem Svala segir menningarlífið blómstra. 

Frétt af mbl.is

Svala Björgvins leitar að leiguíbúð

• Blogga um frétt