Margir eru hrifnir af ákveðnum vörumerkjum og kaupa aldrei annað en ákveðna tegund. Á íslensku YouTube-rásinni kósý. prófa nokkrir einstaklingar muninn á þekktum vörumerkjum og lággjaldavörumerkjum. Það getur verið merkilega erfitt að finna muninn á til dæmis Heinz-tómatsósu og Extra-tómatsósu eða hreinu sódavatni frá Klaka og Kristal. kósý. er nýr netmiðill sem framleiðir efni fyrir samfélagsmiðla. Þetta er þriðja myndbandið sem þau senda frá sér.