Í fyrsta þætti af Kona er nefnd fjalla þær Silja Björk og Tinna um tvær merkilegar konur; heimspekinginn Simone De Beauvoir og leikkonuna Marilyn Monroe en De Beauvoir var einmitt kveikjan að þáttunum.
„Ég sat í kynjafræðitíma í vor og heyrði nafnið Simone de Beauvoir – sem mörg hafa heyrt – en ég þekkti ekki. Og þegar ég byrjaði að læra um hana fannst mér eiginlega fáránlegt að ég skyldi ekki vita hver hún er,“ sagði Tinna í viðtali við mbl.is
Kona er nefnd er nýr hlaðvarpsþáttur á mbl.is. Nýir þættir koma út á sunnudögum og eru þættirnir aðgengilegir á öllum helstu hlaðvarpsveitum.