Elísabet Bretlandsdrottning er hætt að nota feldi úr dýrum og kýs í staðinn gervifeld samkvæmt aðstoðarkonu hennar.
Angela Kelly hefur starfað við hirð Elísabetar í 25 ár og gaf nýlega út endurminningar sínar. Þar kemur fram að frá og með þessu ári muni drottningin ekki klæðast dýrafeld.
Kelly skrifar í bók sína: „Ef hennar hátign þar að sinna erindum í köldu veðri, þá frá og með 2019 mun gervifeldur vera notaður til að tryggja að henni sé hlýtt.“
Í gegnum áratugina hefur drottningin klæðst dýrafeldi við fjölmörg tilefni. Á þessum tímapunkti er óvíst hvort að möttullinn sögufrægi sem drottningin bar við krýningu sína verði áfram notaður óbreyttur. Hann er gerður úr marðarfeldi og flaueli.