Leikarinn Danny Aiello dáinn 86 ára að aldri

Leikarinn Danny Aiello, sem var meðal annars tilnefndur til Óskarsverðlauna fyrir túlkun sína á Sal í kvikmyndinni Do The Right Thing, er látinn 86 ára að aldri. Hann lést á sjúkrastofnun í New Jersey, að því er segir í tilkynningu frá fjölskyldu hans. Fréttamiðillinn CNN greinir frá.  

Aiello lék í fjölmörgum kvikmyndum á ferli sínum, meðal annars í hinni goðsagnakenndu kvikmynd Guðföðurnum II eftir Francis Ford Coppola. Þar lék hann glæpamann en hann lýsti sjálfur í ævisögu sinni að hann hefði hætt í skóla og verið í slagtogi við glæpagengi þar sem hann tók þátt í ýmsu vafasömu, meðal annars ránum.  

Aiello fæddist í New York. Móðir hans var ítölsk og hann var yngstur sex systkina. 

• Blogga um frétt