Mikið hefur gengið á í bresku konungsfjölskyldunni síðustu misseri og er Elísabet Englandsdrottning sögð vera uppgefin bæði andlega og líkamlega.
„Hún er uppgefin bæði líkamlega og andlega. Hún er að verða 94 ára í apríl og er komin á þann aldur að hún ætti að fara að geta tekið því rólega og haft það notalegt í faðmi ástvina,“ sagði heimildarmaður Us Weekly.
Ákvörðun Harry Bretaprins og Meghan um að segja sig frá konunglegum skyldum hefur haft mikil áhrif á drottninguna. „Dramað hættir ekki. Hún er mjög þreytt á þessu,“ sagði heimildarmaðurinn.
Harry og Meghan munu formlega ljúka störfum 31. mars en þau munu vera viðstödd fjölda viðburða á komandi vikum. Þau hafa eytt síðustu vikum í Kanada og Bandaríkjunum en eru nú komin aftur til Bretlands.