Stundum spyr ástin ekki um aldur og margir láta margra áratuga aldursmun ekki á sig fá. Hér eru nokkur góð dæmi um hvernig ástin trompar aldursmun.
Leikarinn Dolph Lundgren er 62 ára og er nýtrúlofaður hinni 24 ára gömlu Emmu Krokdal sem starfar sem einkaþjálfari. Lundgren var áður giftur skartgripahönnuðinum Anette Qviberg og eiga þau tvær dætur saman, Idu og Grétu sem eru 18 og 24 ára.
Leikkonan Susan Sarandon hefur síðustu ár verið í sambandi við mun yngri mann. Hún er 73 ára en hann 42 ára.
Formúlu-1 auðkýfingurinn Bernie Ecclestone er 89 ára en eiginkona hans Fabiana Flosi er 44 ára. Þau eignuðust sitt fyrsta barn saman fyrir skömmu. Barnið er fyrsti sonur Ecclestone en fyrir á hann þrjár uppkomnar dætur.
Breski leikarinn Rowan Atkinson er 65 ára en unnusta hans Louise Ford er 36 ára. Þau segja að aldurinn hafi aldrei truflað þau. Þau kynntust árið 2013 og eiga saman eina dóttur sem nú er tveggja ára. Fyrir átti Atkinson dóttur sem er 24 ára.
Breski leikarinn John Cleese er 80 ára og er enn ungur í anda. Hann segist hafa loks hitt á rétta konu í fjórðu tilraun. Kona hans Jennifer Wade er 47 ára.
Leikarinn Bruce Willis er 64 ára en kona hans er 42 ára. Hann féll fyrir henni árið 2007 þrátt fyrir 23 ára aldursmun og eiga þau tvær dætur saman. Fyrir á Willis þrjár dætur með Demi Moore sem allar eru á þrítugsaldri.
Ástralski leikarinn Hugh Jackman er giftur eldri konu. Þau hafa verið gift í 24 ár. Hann er 51 árs en hún er 64 ára.
Leikkonan Julianne Moore er 59 ára en eiginmaður hennar Bart Freundlich er 50 ára. Þau hafa verið gift frá árinu 2003.
Leikkonurnar Sarah Paulson og Holland Taylor hafa verið lengi saman og láta þriggja áratuga aldursmun ekki á sig fá.