Dóttursonur Elvis Presley látinn

Benjamin Keough, dóttursonur tónlistarmannsins Elvis Presley, er látinn 27 ára að aldri. Keough var sonur Lisu Marie Presley. 

Talsmaður móður hans sendi tilkynningu um andlátið til fjölmiðla í gærkvöldi. Keough lést í Calabasas í Kaliforníu í gær að því er fram kemur í tilkynningunni. Talsmaðurinn sagðist ekki vita með hvaða hætti andlátið bar að en samkvæmt heimildum TMZ er hann talinn hafa tekið sitt eigið líf. 

Faðir Keough var tónlistarmaðurinn Danny Keough. Presley á þrjú önnur börn. Riley Keough sem er 31 árs og tvíburana Harper og Finley sem eru 11 ára.

Ef ein­stak­ling­ar glíma við sjálfs­vígs­hugs­an­ir er bent er á hjálp­arsíma Rauða kross­ins, 1717. Einnig má hafa sam­band við Píeta-sam­tök­in sem veita ókeyp­is ráðgjöf í síma 552-2218.

• Blogga um frétt