Spjallþátturinn Ellen sætir rannsókn

Mikill styr hefur staðið um The Ellen DeGeneres Show að undanförnu vegna óánægðra starfsmanna sem ítrekað hafa lýst slæmu vinnuumhverfi og eitruðu andrúmslofti. Nú hefur WarnerMedia hafið innanhússrannsókn á spjallþættinum. Fenginn verður óháður þriðji aðili til þess að ræða við fyrrverandi og núverandi starfsmenn þáttanna um upplifun þeirra í starfi.

Sagt er að stjórnendur hafi sagt brandara sem lýstu kynþáttafordómum eins og til dæmis að hafa ruglað saman tveimur svörtum konum með svipaða hárgreiðslu.

„Allir hafa talað um hvað Ellen sé illgjörn. En það er ekki vandamálið. Vandamálið eru framleiðendur þáttanna sem hafa mannaforráðin og skapa og viðhalda ákveðnu andrúmslofti á vinnustaðnum. Þeir telja að við eigum að prísa okkur sæl fyrir að fá að vinna þarna. Þannig ef okkur líkar ekki eitthvað þá getum við farið,“ sagði fyrrverandi starfsmaður. 

Frétt af mbl.is

Ellen ekki öll þar sem hún er séð

• Blogga um frétt