Tónlistarkonan Salka Sól Eyfeld byrjar með nýjan morgunþátt á laugardagsmorgnum eftir áramót. Þáttur Sölku Sólar byrjar strax eftir tíufréttir á laugardagsmorgnum. Fjölmiðlafólkið Björg Magnúsdóttir og Gísli Marteinn Baldursson var með vinsælan morgunþátt á sama tíma.
Í nýrri útvarpsauglýsingu á Rás 2 má heyra Sölku Sól segja frá nýja þættinum sem ber einfaldlega nafnið Salka Sól þegar dagskrá Rásar 2 er skoðuð.
Morgunþáttur Bjargar og Gísla Marteins var nokkuð vinsæll og ekki fór fram hjá hlustendum þáttarins að stjórnendurnir tóku ekki ákvörðun sjálf um að hætta. Var niðurskurði um að kenna að þátturinn Morgunkaffið fór af dagskrá. „Neibb, því miður alveg hætt. Rás 2 að spara,“ skrifaði Gísli Marteinn meðal annars á Twitter.
Síðasti þátturinn af Morgunkaffinu á Rás 2 á laugardaginn. Við @bjorgmagg verðum með tárin í augunum að spila peppuð og óleiðinleg jólalög. Er eitthvað sem hlustendur þáttarins vilja sérstaklega heyra að skilnaði?
— Gísli Marteinn (@gislimarteinn) December 17, 2020