Tveir menn réðust á Ryan Fischer, aðstoðarmann tónlistarkonunnar Lady Gaga, í West Hollywood í Los Angeles í gærkvöldi. Fischer var fyrir utan heimili sitt að viðra hunda söngkonunnar sem er í fríi á Ítalíu. 

Árásarmennirnir stálu tveimur af þremur hundum söngkonunnar og hurfu út í nóttina á hvítri BMW bifreið að sögn lögreglunnar. Þegar lögregla kom á vettvang var Fischer með meðvitund en illa haldinn. Hann var fluttur á sjúkrahús í kjölfarið.

Hundar Lady Gaga eru franskir bolabítar og bera nöfnin Koji, Miss Asia og Gustavo. Árásarmennirnir rændu þeim Koji og Gustavo en Miss Asia kom í leitirnar á vettvangi. 

Daily Mail

Tengdar fréttir

Krúttleg dýr

Úr fatahönnun í nám í dýrahjúkrun

• Íslenskir hestar og hundar frá Gasa á JFK-flugvelli
• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið

» Fleiri tengdar fréttir

• Blogga um frétt