Hljómsveitin Daði og Gagnamagnið er komin til Rotterdam til þess að keppa í Eurovison. Þrátt fyrir miklar annir gáfu þau sér tíma til að dansa með Ægi Þór Sævarssyni og móður hans, Huldu Björk Svansdóttur.
Mæðginin dansa með frægum alla föstudaga en Ægir Þór er með vöðvarýrnunarsjúkdóminn Duchenne. Það var ekki úr vegi að dansa með þessum skærustu stjörnum okkar Íslendinga þessa dagana. Eins og sjá má á myndbandinu voru allir með danstaktana á hreinu þennan föstudaginn!