Leikkonan Zoe Lister-Jones segir leikarann Chris Noth hafa komið fram við hana á óviðeigandi hátt þegar þau léku saman í Law and Order. Lýsir hún því hvernig hann hafi lyktað af hálsi hennar og hvíslað því að henni að hún ilmaði vel. 

The Hollywood Reporter greindi frá því í gær að tvær konur hefðu sakað Noth um að hafa brotið á þeim kynferðislega fyrir meira en áratug síðan. Noth hefur neitað ásökununum. 

Lister-Jones segir frá því að þegar hún var á þrítugsaldrinum hafi hún unnið á skemmtistað í New York sem var í eigu Noth. „Þau fáu skipti sem hann lét sjá sig þar var hann kynferðislega óviðeigandi við annan kvenkynseiganda,“ skrifaði Lister-Jones í færslu á Instagram. 

Sama ár var hún gestaleikari í Law and Order og lék Noth einn rannsónarlögreglumannanna. 

„Hann kom drukkinn í tökur. Á meðan við tókum upp yfirheyrsluatriðið mitt var hann með 650 millilítra bjór undir borðinu sem hann drakk inn á milli. Í einni tökunni fór hann nær mér, þefaði af hálsi mínum og hvíslaði „Þú ilmar vel“. Ég sagði ekki neitt. Vinkona mín á skemmtistaðnum sagði ekki neitt. Það er sjaldgæft að við segjum eitthvað,“ skrifaði Lister-Jones. 

Hún segir sína sögu ekki vera jafn alvarlega og sögur kvennanna tveggja í THR.

Tengdar fréttir

Kynferðisbrot í Hollywood

Sakar Vin Diesel um kynferðisbrot á hóteli

• Höfðar mál gegn Weinstein og Disney
• Kanna ásakanir á hendur Russell Brand
• Ásakanir á hendur Brand veki upp spurningar
• Brand sakaður um kynferðisbrot

» Fleiri tengdar fréttir

• Blogga um frétt