Amy Schumer gerir óspart grín að Baldwin-fjölskyldunni
Setja bókamerki
Spaugarinn Amy Schumer gerir óspart grín að eiginkonu og barnsmóður leikarans Alec Baldwin, Hilariu Baldwin í nýjasta uppistandi sínu fyrir Netflix, Emergency Contact og kallar fyrrverandi jógakennarann meðal annars „siðleysingja.“
Hilaria Baldwin hefur verið mikið í fréttum frá því að hún tók saman við leikarann Alec Baldwin, en fyrir nokkrum árum var hún sögð hafa breytt nafni sínu og sökuð um að hafa greint rangt frá uppruna sínum.
„Hilaria frá Spáni er bara Hillary frá Boston“
Baldwin hafði greint frá því opinberlega að hún hefði fæðst á spænsku eyjunni Majorka og heyrðist reglulega tala með spænskum hreim. Það komst upp um lygarnar og Hilaria Baldwin er víst fædd og uppalin í Boston og heitir réttu nafni Hillary Lynn Hayward–Thomas.
Þetta sá Schumer sem efni í gott uppistand og eyðir hún dágóðum tíma í að ræða um hjónin og þessa Spánar–þráhyggju Hilariu.
Schumer er ekki þekkt fyrir að liggja á skoðunum sínum og hefur ýmislegt að segja um Baldwin–hjónin. „Hilaria frá Spáni er bara Hillary frá Boston, hafið þið pælt í því? Foreldrar hennar eru ekki frá Spáni, enginn í lífi þessarar konu er frá Spáni,“ segir Schumer, sem skilur hvorki upp eða niður í því hvað fékk hana til að þykjast vera spænsk.
Grínast með barnanöfnin
Schumer gerir einnig óspart grín að nöfnum barna þeirra hjóna, en notar til þess spænsk orð, ótengd nöfnunum. „Af hverju heita börnin spænskum nöfnum? Af hverju heita þau Jamón, Croqueta og Flamenco, hvað er eiginlega í gangi?“ spyr Schumer.
Hilaria Baldwin og Alec Baldwin giftu sig árið 2012 og eiga saman sjö börn sem öll bera framandi nöfn: Carmen Gabriela, Raphael Thomas, Leonardo Ángel, Romeo Alejandro David, Eduardo Pao Lucas, Maria Lucía Victoría og Ilaria Catalina Irena.
Fylgið á hreyfingu tvist og bast
Atvinnuhúsnæði ekki keypt upp í Grindavík
/frimg/1/48/83/1488353.jpg)
Hugsaði fyrst um einmanaleika og innilokun
Umdeild einkennismerki lögreglunnar
Hægist á eftir mikinn uppgang
Vísa mótmælanemendum úr skólanum
Hvað verður um plastið?
Verkefnin snúa að velferð fólksins