Það er óhætt að segja að söngvarinn og tónlistarmaðurinn Herbert Guðmundsson hafi marga fjöruna sopið í gegnum tíðina og oftar en ekki gengið lífsins veg með storminn í fangið. Herbert var gestur í Dagmálum á dögunum þar sem hann ræddi um lífið og tilveruna með einlægum hætti og hvernig honum hefur tekist að snúa mótvindum lífsins upp í farsæld og blessun.

„Allt í einu stend ég bara uppi allslaus á miðri ævi. Konan farin, húsið farið og ég gjaldþrota,“ minntist hann og skírskotaði í þær aðstæður sem hann var staddur í eftir að hafa tapað máli fyrir Hæstarétti vegna þakviðgerða á raðhúsalengju sem Herbert og fjölskylda bjuggu í á þeim tíma og voru eigendur af einu húsi í lengjunni.

Frétt af mbl.is

Sérpantar gulu gleraugun frá L.A.

Herbert sagði það hafa verið afar erfiða upplifun að fara í gegnum skilnað og missa alla lífsafkomuna á sama tíma. Það hafi þó allt breyst þegar óútskýranleg rödd að handan stappaði í hann stálinu og gaf honum von um betri tíma.

„Þá heyri ég rödd innra með mér sem segir: „þú munt fara hærra“ og ekkert meira,“ lýsti hann andlegri reynslu sinni sem svo sannarlega átti eftir að hafa áhrif á fjárhagsstöðu og velgengni hans en Herbert hefur oftar en einu sinni orðið fyrir sams konar bænasvari, líkt og hann kýs að kalla það.

Smelltu hér til að horfa eða hlusta á viðtalið við Herbert í heild sinni.

Tengdar fréttir

Dagmál

Opin fyrir almennri kosningu biskups

• „Fannst eins og ég væri að ganga nakinn um bæinn“
• Snemmtekinn lífeyrir – kostir og gallar
• Viltu verða milljónamæringur um sextugt?
• Vika í helvíti sem tók á frá fyrstu mínútu

» Fleiri tengdar fréttir