Cooper og Hadid sögð vera að stinga saman nefjum
Setja bókamerki
Leikarinn Bradley Cooper og ofurfyrirsætan Gigi Hadid eru sögð vera að stinga saman nefjum þessa dagana, en þau sáust yfirgefa veitingastaðinn Via Carota á fimmtudagskvöld í New York-borg.
Parið reyndi að láta lítið fyrir sér fara og hefur ekki gefið neitt opinberalega út um það hvort það eigi í ástarsambandi.
Cooper skaust upp á stjörnuhimininn árið 2009 í kvikmyndinni The Hangover og hefur leikið hvert stórhlutverkið á fætur öðru síðan. Hadid er ein eftirsóttasta fyrirsæta heims um þessar mundir.
Cooper á eina dóttur með ofurfyrirsætunni Irinu Shayk og var að hitta stjórnmálafræðinginn Huma Abedin á síðasta ári.
Hadid á einnig eina dóttur úr sambandi sínu með söngvaranum Zayn Malik, sem gerði garðinn frægan með One Direction. Rúmt ár er frá því að Hadid sást með stórleikaranum og góðvini Cooper, Leonardo DiCaprio.
Tólf ára drengur illa fótbrotinn
Jaðarsetning það versta
Sundagöng betri en Sundabraut
Kíghósti á töluverðri dreifingu í samfélaginu
Ísland á HM eftir annan stórsigur
Mútuðu japanskri mafíu
Keppanda aldrei verið vísað úr keppni áður