Paz Lenchantin hefur sagt skilið við rokkhljómsveitina Pixies eftir tíu ára bassaplokk.
Fram kemur í tilkynningu frá bandarísku sveitinni að Lenchantin ætli að einbeita sér að eigin verkefnum og eru henni færðar þakkir fyrir framlag sitt.
Í staðinn hefur Emma Richardson verið ráðin á bassann og þreytir hún frumraun sína í tónleikaferð Pixies um Evrópu sem hefst í Dublin á Írlandi á föstudaginn.
Þar verða spiluð lög af plötunum Bossanova og Trompe Le Monde.