Stjörnuparið Chris Martin og Dakota Johnson er trúlofað.
Forsprakki hljómsveitarinnar Coldplay er sagður hafa beðið um hönd kærustu sinnar, sem er þekktust fyrir hlutverk sitt sem Anastasia Steele í kvikmyndaseríunni Fifty Shades of Grey, fyrir nokkru síðan.
Martin og Johnson hafa verið saman í sex ár og eru að sögn heimildarmanns Page Six yfir sig ástfangin. „Þetta skref var óumflýjanlegt, en þau eru ekki að flýta sér að ganga í hjónaband.”
Parið byrjaði fyrst saman árið 2017 en skildi stuttlega árið 2019.
Martin var áður kvæntur Óskarsverðlaunaleikkonunni Gwyneth Paltrow. Fyrrverandi hjónin eiga tvö börn, Apple og Moses.