Leikkonan Olivia Munn greindi frá því fyrr í dag að hún hefði greinst með brjóstakrabbamein á síðasta ári. Munn birti langa færslu á Instagram-síðu sinni þar sem hún sagði meðal annars frá því að hafa gengist undir tvö­falt brjóst­nám aðeins 30 dögum eftir greiningu. 

Munn, 43 ára, fékk þær upplýsingar að hún væri ekki með BRCA-genið, genið sem eykur verulega líkur á krabbameini, eftir að hafa farið í heilbrigðisskoðun og læknisrannsókn. 

Kvensjúkdómalæknir Munn, Dr. Aliabadi, var ekki sannfærður um niðurstöður rannsóknarinnar og ákvað að senda leikkonuna í frekari rannsóknir. Þá kom í ljós að Munn var með Luminal B-krabbamein í báðum brjóstum. 

Munn hélt veikindum sínum leyndum en ákvað að deila sögu sinni með fylgjendum sínum í von um að hún verði öðrum til hjálpar.

Leikkonan er á góðum batavegi, en hún sótti Óskarspartí Vanity Fair á sunnudag ásamt sambýlismanni sínum, John Mulaney.

Tengdar fréttir

Instagram

Katrín Edda á von á sínu öðru barni

• Instagram: „Allt á uppleið!“
• Dóttir Örnu Ýrar og Vignis Þórs fékk krúttlegt nafn
• Sonur Birgittu Lífar á góðri leið að verða heimsflakkari
• Laufey fagnar 25 ára afmæli

» Fleiri tengdar fréttir

• Blogga um frétt