Hinn níræði Paul Hocheder öðlaðist óvænta frægð eftir að barnabarn hans deildi myndskeiði af honum á samfélagsmiðlinum TikTok. Myndskeiðið sýnir Hocheder á leið í skólann.

Hocheder, sem útskrifaðist úr háskóla árið 1960, vildi ólmur finna sér eitthvað skemmtilegt, lærdómsríkt og hvetjandi að gera á daginn. Úr varð að hann ákvað að skrá sig í háskólanám.  

Myndskeiðið vakti mikla athygli og hefur hlotið ríflega fjórar milljónir áhorfa. Bandaríski morgunþátturinn Good Morning America deildi myndskeiðinu nýverið og ræddi við Hocheder.

„Mér líður ungum á ný,“ sagði nýneminn meðal annars þegar hann lýsti því hvernig væri að vera sestur aftur á skólabekk. 

Hocheder er nemandi á fyrsta ári við Carroll Community College í Maryland þar sem hann leggur stund á sagnfræði. Hann hefur mikinn áhuga á fyrri og seinni heimsstyrjöld.

Tengdar fréttir

TikTok

Skiptir miklu meira máli en fólk grunar

• Eggert biðlar til fólks að hætta að „eggja“ húsið sitt
• Lög um bann við TikTok undirrituð í dag
• Tónlist Swift snýr aftur á TikTok
• Ásdís Rán nafngreindi þekktan leikara sem reyndi við hana

» Fleiri tengdar fréttir

• Blogga um frétt