Lýsir Eurovision ef Sigmundur gerir það líka
Setja bókamerki
Brynjar Níelsson, fyrrverandi þingmaður Sjálfstæðisflokksins, kveðst tilbúinn að lýsa Eurovision ef Sigmundur Davíð Gunnlaugsson, formaður Miðflokksins, er til í að gera það með honum.
Ríkisútvarpið á þó enn eftir að bjóða Brynjari að lýsa keppninni.
Þetta segir Brynjar í samtali við mbl.is.
Á annað þúsund manns hafa skrifað undir undirskriftalista á island.is þar sem skorað er á RÚV og Brynjar að hann lýsi Söngvakeppni evrópskra sjónvarpsstöðva í Malmö í maí.
„Ég hugsa bara Sigmundi Davíð þegjandi þörfina,“ segir Brynjar og hlær. „Ég kann þetta ekkert og veit ekkert um þetta. Hvenær er þessi keppni?“ spurði hann svo.
Ekki horft á keppnina í allt að 50 ár
Það var Sigmundur Davíð Gunnlaugsson, formaður Miðflokksins, sem kom með hugmyndina á samfélagsmiðlinum X. „Gæti einhver sem kann til verka sett af stað undirskriftasöfnun um að Brynjar Níelsson lýsi Eurovision í ár?“ skrifaði Sigmundur Davíð á mánudaginn. Sama dag greindi Gísli Marteinn Baldursson fjölmiðlamaður frá því að hann ætlaði ekki að lýsa keppninni.
Brynjar viðurkennir fúslega að hann hefur ekki horft á Eurovison í allt að 50 ár.
„Þetta er bara einhver uppsveifla í Sigmundi Davíð og hann er að skemmta sér á minn kostnað,“ segir Brynjar.
Gæti lýst Eurovision með smá undirbúningi
Hann telur sína hæfileika ekki liggja í að lýsa Eurovision en telur þó að með smá undirbúningi þá geti hann vel lýst keppninni. Með nægum undirbúningi ætti það sama eflaust við um fótboltaleiki og fimleikamót.
„Ég er að hugsa hvernig ég get einhvern veginn slegið hann út af laginu [Sigmund]. Ég myndi samþykkja þetta ef hann kæmi með mér,“ segir Brynjar.
Níu milljónir í auglýsingar til erlendra miðla
Atvinnuhúsnæði ekki keypt upp í Grindavík
Innviðagjald skili 30 milljörðum
/frimg/1/48/63/1486389.jpg)
Miklar fylgissveiflur forsetaefna
/frimg/1/48/83/1488353.jpg)
Hugsaði fyrst um einmanaleika og innilokun
11 verða í framboði til embættis forseta Íslands