Gefa listaverk eftir Picasso

Listasafn í Stokkhólmi ætlar að gefa tvö verk eftir Picasson og eitt verk eftir Miro í tengslum við sýningu sem fjallar um verðgildi listarinnar. Er sýningunni ætlað að fordæma græðgi og kaupsýslu í listaheiminum.

„Þetta snýst um að spyrja spurningarinnar: Hvað ræður, listin eða fjármagnið?" sagði Maloosak, 29 ára gömul sérvitur listakona sem stendur fyrir síningunni.

Tvær litógrafíur eftir Picasson, dagsettar árið 1954 en ómerktar, og ómerkt litógrafía eftir Miro, verða gefnar í sérstöku happdrætti á miðnætti í kvöld í Gummesen galleríinu. Myndirnar eru metnar á 40-100 þúsund íslenskar krónur hver. Einnig verða málverk eftir Cristo, Enrico Baj og Jean Gorin seld með 50% afslætti.

• Blogga um frétt