„Þeir hafa hingað til sagst ætla, í kjölfar þess að hafa orðið varir við brottkast, að senda mönnum viðvaranir og gefa mönnum tækifæri á að bæta ráð sitt. En þeir hafa greinilega breytt um skoðun á því hvernig á að nota þetta,“ segir Arthur Bogason, formaður Landssambands smábátaeigenda um drónaeftirlit Fiskistofu. 

Frétt af mbl.is

Sviptur leyfi eftir drónaeftirlit

Greint var frá því fyrr í dag á 200 mílum að netabátur hafði verið sviptur leyfi til veiða í atvinnuskyni vegna brottkasts sem náðist á myndavél eftirlitsdróna Fiskistofu. 

Frétt af mbl.is

Fiskistofa horfi á „menn að skíta“

Var báturinn sviptur leyfi í tvær vikur. 

Arthur Bogason, formaður landssambands smábátaeigenda. mbl.is/Kristinn Magnússon

Landssamband smábátaeigenda hefur frá byrjun gagnrýnt notkun Fiskistofu á drónum við eftirlit og stofnunina skorta skýrar lagaheimildir til þess. 

Arthur segist ekki vera talsmaður brottkasts en er ósammála aðferðafræðinni við að uppræta ósiðinn. 

Frétt af mbl.is

Drónar við eftirlit með strandveiðum

„Þessi aðferðafræði eins og þeir hafa stundað hana flokkast miklu frekar undir njósnastarfsemi heldur en eftirlit,“ segir Arthur. 

„Við höfum farið fram á það, að ef viðhafa á eftirlit með myndavélum verði menn látnir vita, eins og þegar fólk er í eftirlitsmyndavélum eða á hraðamyndavélum í umferðinni.“