Í morgun var búið að úthluta 395 leyfum til strandveiða sem hófust í dag, að því er fram kemur í svari Fiskistofu við fyrirspurn 200 mílna. Eftirlit með veiðunum verður að mestu með hefðbundnu sniði, en við bætist notkun dróna til eftirlits.

„Áhersla verður lögð á veru eftirlitsmanna í höfnum, ekki síst núna í upphafi  veiðanna.  Þeir munu þar leiðbeina sjómönnum um notkun afladagbókarappsins sem sumir byrjuðu að nota í fyrra en nú eru rafræn skil á afladagbók skylda fyrir alla,“ segir í svarinu.

Frétt af mbl.is

„Meira um brot en við hefðum viljað sjá“

Þá vekur stofnunin athygli á að unnið hafi verið að endurbótum á rafrænni skráningu afla. „Með tilkomu rafrænna skila á afladagbók er  búið að breyta aflaskráningu við löndun þannig að gögn úr afladagbókunum forskrást í löndunarkerfið á hafnarvog. Til þess að það gangi eftir og auðveldi og flýti fyrir lönduninni þarf skipstjóri fiskibáts að skila afladagbókinni rafrænt strax þegar veiðum lýkur og áður en að löndun kemur.“

Þessar breytingar eru sagðar afar mikilvægar þar sem þetta geri allan afla rekjanlegan allt frá veiðiferðinni sjálfri. Gert er ráð fyrir að upplýsingarnar fylgi aflanum upp virðiskeðjuna alla leið til neytenda. „Þetta er æ mikilvægara þegar tryggja skal aðgang afurðanna að verðmætustu mörkuðunum,“ segir í svarinu.

Frétt af mbl.is

Öll aflaskráning rafræn frá og með morgundeginum

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir

Eftirlit með veiðum

Útgerðaraðili sviptur leyfi þrisvar á þremur árum

• Tilkynna drónaeftirlit í mars
• Þrír sviptir leyfi það sem af er ári
• Unnið að aukinni skilvirkni veiðieftirlitsins
• Boðar byltingu í drónaeftirliti Fiskistofu

» Fleiri tengdar fréttir

• Blogga um frétt