„Við spilum frítt fyrir landið okkar en þetta er orðið allt öðruvísi núna en þegar ég byrjaði að spila fyrst með landsliðinu,“ sagði Ólafur Ólafsson, fyrirliði karlaliðs Grindavíkur í körfuknattleik, í Dagmálum.

Ólafur, sem er 32 ára gamall, hefur verið í mikilvægu hlutverki með landsliðinu undanfarin ár en hann á að baki 51 A-landsleik fyrir Ísland.

Endalaust þakklátur fyrir stuðning þjóðarinnar

Með mun meiri pening á milli handanna

„Spánverjarnir fá í kringum 500 evrur á dag fyrir að spila fyrir landið sitt en við gerum okkur fulla grein fyrir því að spænska sambandið er með mun meiri pening á milli handanna en KKÍ,“ sagði Ólafur.

„KKÍ hefur unnið frábært starf með þann pening sem þeir eru með á milli handanna og ég held að mér myndi líða kjánalega með að fá greitt fyrir að spila með landsliðinu,“ sagði Ólafur meðal annars.

Viðtalið við Ólaf í heild sinni má nálgast með því að smella hér eða á hlekkinn hér fyrir ofan.

Ólafur Ólafsson í leik með landsliðinu. mbl.is/Óttar Geirsson